Created by Derkaz Adamov

Абдулаев Леча

Бераш!  Х1окху шеран 15-чу  февралехь  шовзткъе  пхийтта  шо  кхочу  нохчийн  халкъан  поэтан  Абдулаев  Лечин.

Леча  1аламат  дика  поэт  ву,  ойла  ч1ог1а  к1оргера  йолуш.  Цуьнан  стихаш  а  ю  иштта  дика,  воккха  жима  бен  а  воцуш,  массарна  а   язйина.

Цаьрца,  цу  стихашца,  йоккха  хазна  а,  доккха  1илма  а  ду  х1ума  довза  а, кхета  а  лууш  волчунна.  Шу,  тхан  доттаг1ий,  диканна  т1аьхьакхуьучех  хила  лаарца  (шун  а,  тхан  а  ц1арах  Леча  декъал  а  веш),  оха  шуна  йовзуьйту,  вайн  къоман  гимн  йолуш  санна,  мукъаме  яьлла,  иллица  ехаш  йолу  х1ара  байт.